فاتو سبع شهور كأنهم سبع دهور
دهر يناير كنت ثاير كنت شايل كفني علي الكفوف ثوره شريفه ثوره عفيفه فخر العالم بالميدان
دهر فبراير كنت صابر كنت مستحمل كتير من تخوين ومن اهانه ومن ذل علشان يطير قالك بلدي قالك ارضي
فيها أعيش وفيها حاربت وفيها اموت طب ما تموت ما انت هتموت دلوقتي علشان تعيش عاملي عيان عاملي تعبان
وانت التعبان يشوفك عليل بقي يا راجل انت والكركوبه كنتو حاكمينا بإيد من حديد بالظلم والاهانه
بقي لما كبرت وصوتي طلع عايز تخرسني بس ده بعدك والحكم ابعد من بعدك لأني صبرت
لما مشيت دهر مارس كنت بمارس حقي الطبيعي في الديمقراطيه ايشي اعلام وايشي انسجام ده الشباب حقق الاحلام
وانا قاعد علي الكرسي بسمع كلام شكر في حقي فقت علي ايادي كتيره
في دهر ابريل عايزه تشلني ومن علي كرسي الحريه ترميني تاني في الظلام قمت اصرخ انا اتقتلت واتعورت
وخفت في الميدان انا صحيت من تاني وخلاص مش عايز انام اسكت انت انت مين ده
في دهر مايو انت بلطجي
بلطجي انا صرخت يا عالم يا هووووه ده انا الشاب الثورجي بتاع يناير اللي كان ثاير قالو اسكت ده انت خاين
ايشي اجندات وافشخانات وايد من تحت بتلعب وتدبر طب اسمعوني طب سامحوني لا لا انت بلطجي
واعمل حسابك في مايو كمان هنطلعك ولا التعبان ليه ثم خفي وعايز تبوظ ثوره الشرفاء اللي كانو في الميدان
طب ما انا من الميدان بصولي وهم بيقعدو علي كرسي الحريه بتاعي لأ انت التعبان
طب انا نازل علي الميدان وهناك راح اقعد وآكل واشرب وانام وهحلم من تاني بالأحلام الجميله اللي عشتها في الميدان
ولو رجاله تعالو مشوني من الميدان ما انا الثاير بتاع يناير وصابر فبراير وديمقراطي مارس وخاين ابريل
وبلطجي مايو ومعطل عجله الدوران ما هي كده كده واقفه لحد ما ترجع الحريه تاني للأبدان وساعتها
هبدأ انضف في الميدان بس صدقوني المره دي مش هنسي اكنسكم مع الزباله كمان .
